Журналістку «Белсата» Любоў Лунёву шпіталізавалі з Акрэсціна ў кардыялогію

БАЖ

Любоў Лунёва цяпер знаходзіцца ў 9-й бальніцы Мінска ў аддзяленні кардыялогіі, паведамілі Свабодзе яе родныя.

Журналістка была затрыманая разам з аператарам Іванам Куракевічам у панядзелак днём на Маршы пенсіянераў. Пасля складання пратаколаў пра ўдзел у несанкцыянаваным мерапрыемстве іх даставілі ў ЦІП на Акрэсціна да суда.

Уначы Лунёву забрала хуткая дапамога.

Тэлефон у яе забралі ў турме на Акрэсціна, пасля шпіталізацыі яна змагла пагутарыць са сваякамі па тэлефоне, але сустрэцца з імі ёй пакуль не далі.

0

0

0

0

0

0