Літва афіцыйна прызнала Ціханоўскую лідарам, а Лукашэнку — нелегітымным кіраўніком

Літоўскі сейм 10 верасня прызнаў Святлану Ціханоўскую нацыянальна абраным лідарам. Аляксандра Лукашэнку ў заяве парламента назвалі нелегітымным кіраўніком.

За такую рэзалюцыю адзінагалосна выступіў 91 сябра Сейма. Сярод аўтараў рэзалюцыі — міністр замежных спраў Літвы Лінас Лінкявічюс, спікер Віктарас Пранцкеціс. Літва падтрымлівае беларускі народ у яго імкненні да правядзення новых празрыстых і дэмакратычных прэзідэнцкіх і парламенцкіх выбараў.

У дакуменце дэпутаты называюць Аляксандра Лукашэнку незаконным кіраўніком, заклікаюць міжнародную грамадскасць ацэньваць любыя яго дзеянні па заключэнні новых пагадненняў з Расіяй як злачынствы супраць народа і фактычную анексію краіны, перадае Delfi. 

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0