Калона салігорскіх шахцёраў ідзе падтрымаць Юрыя Корзуна ФОТАФАКТ
Шахцёры выйшлі калонай да Салігорскай ЦРБ, куды адвезлі іх калегу Юрыя Корзуна. Корзун сёння раніцай прыкуў сябе кайданкамі ў шахце на 300-метровай глыбіні. Перад гэтым ён апублікаваў зварот з патрабаваннем спыніць рэпрэсіі ў краіне.
«Усе сілавыя структуры перавысілі свае паўнамоцтвы, збіваючы, катуючы, гвалтуючы мірных пратэстоўцаў і выпадковых мінакоў, застаючыся пры гэтым беспакаранымі!
Усім нам вядома, што робіць злачынец, адчуўшы беспакаранасць! Ён паўтарае свае злачынствы з кожным разам усё больш удасканалена і жорстка. І гэта можа закрануць кожную сям'ю ў нашай краіне!
Што гэта калі не спроба адраджэння фашызму?
Спыніць прававы дэфолт і прыступіць да мірнага дыялогу змогуць толькі рабочыя прадпрыемстваў! Больш улада не стане слухаць нікога!» — напісаў ён.
Корзуна дасталі з шахты сілай, распілаваўшы кайданкі.
