У Свірскім псіханеўралагічным інтэрнаце зафіксавалі 32 выпадкі каранавіруса
Пра гэта паведамляе MLYN.BY са спасылкай на дырэктара ўстановы Казіміра Русака.
Па словах Русака, інтэрнат перайшоў на масачны рэжым з 3 красавіка. Ад 22 красавіка ў стацыянар паклалі 7 работнікаў з пнеўманіяй, 6 знаходзіліся з ВРВІ без сімптомаў на бальнічным. Што тычыцца тых, хто памёр, іх шпіталізавалі 3 мая ў Мядзельскую ЦРБ, дзе ім аказвалася ўся неабходная медыцынская дапамога.
Першы выпадак каранавіруснай інфекцыі зафіксавалі ў Свірскім інтэрнаце 30 красавіка. Напярэдадні на пасяджэнні раённага штаба па барацьбе з распаўсюджваннем COVID-19 і абароне насельніцтва ад інфекцыі прынялі рашэнне ад 15 мая перавесці ўстанову на вахтавы метад работы з прыцягненнем медперсаналу Мядзельскай бальніцы, узмацніць дэзынфекцыйны рэжым.
Па стане на раніцу 14 мая ў Мядзельскай ЦРБ зарэгістравана 146 выпадкаў пнеўманіі.
