Спыняе 92% вірусаў: навукоўцы распавялі, што можа замяніць маску
Альтэрнатыва — пластыкавыя шчыткі. Яны могуць быць больш эфектыўнымі за маскі, гаворыцца ў даследаванні, апублікаваным у часопісе Амерыканскай медыцынскай асацыяцыі (JAMA).
Фота Надзеі Бужан
З даследавання вынікае, што пластыкавыя шчыткі могуць затрымаць да 92% вірусных часціц. Пры гэтым усё адно неабходна вытрымліваць бяспечную адлегласць у два метры.
Галоўны мінус масак — гэта кароткі тэрмін эфектыўнага выкарыстання і тое, што ўсё роўна можна дакрануцца бруднымі рукамі, напрыклад, да вачэй.
Шчыткі ў гэтым плане больш надзейныя, іх можна выкарыстоўваць шмат разоў, рэгулярна праводзячы дэзынфекцыю.
Навукоўцы адзначаюць, што выкарыстанне пластыкавых экранаў дапаможа стрымаць распаўсюджванне COVID-19, і ацанілі іх эфектыўнасць у дыяпазоне ад 68 да 96%.
