У Докшыцах 85 хворых на пнеўманію

Хворыя на COVID-19 выяўленыя ў Докшыцах, але дакладная лічба не паведамляецца.

— У Докшыцах тэсты рабілі 150 разоў. І станоўчыя вынікі можна пералічыць па пальцах. Што тычыцца колькасці пацыентаў з пнеўманіяй, то па стане на 7 красавіка зафіксавана 85 выпадкаў, — сказала выданню «Родныя вытокі» загадчыца раённай паліклінікі Валянціна Вештарт.

У сувязі з эпідэміялагічнай сітуацыяй, хірургічнае аддзяленне ЦРБ перапрафілявалі пад тэрапеўтычнае для пацыентаў, якіх лечаць ад пнеўманіі.

Бярозкаўская бальніца сястрынскага дагляду з медычнай амбулаторыяй зачынена, а медперсанал накіравалі даглядаць пацыентаў з кантактамі першага ўзроўню, якія пакуль знаходзяцца ў лагеры «Бярозка».

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0