На Чудзянцова завялі новую справу, меркавана — за сэксуальны гвалт
Прадстаўнік Следчага камітэта Сяргей Кабаковіч заявіў «Нашай Ніве», што ў дачыненні да журналіста Уладзіміра Чудзянцова заведзена новая крымінальная справа.
Дэталяў у ведамстве не кажуць і просяць пачакаць афіцыйнага паведамлення, якое яны ў гэты момант рыхтуюць.
Наколькі вядома «Нашай Ніве», гаворка ідзе пра гвалтоўныя дзеянні сэксуальнага характара.
Колькасць эпізодаў і пацярпелых удакладняецца, але вядома, што прынамсі адзін з пацярпелых — герой публікацыі «Нашай Нівы» 30-гадовы віцебчук Максім (прозвішча не называецца па жаданні ахвяры).
Чытайце: «Яму падабалася слова «бойлавэр». Глухі падлетак, адна з ахвяр журналіста Ч., расказаў сваю гісторыю
Журналіст Уладзімір Чудзянцоў быў затрыманы 21 лістапада на пункце пропуску Брэст — Цярэспаль, пры сабе ў яго знайшлі наркотыкі, потым знайшлі і дома.
Сам ён адмаўляе, што наркотыкі належаць яму, з таго часу ён пад вартай. За «кантрабанду» наркатычных рэчываў Уладзіміру Чудзянцову пагражае да сямі гадоў пазбаўлення волі.
