Украінскі самалёт быў збіты іранскай зенітнай ракетай — Newsweek

Украінскі самалёт быў збіты іранскай зенітнай ракетай, паведамляе Newsweek са спасылкай на крыніцы ў Пентагоне.

Паводле высокапастаўленай крыніцы ў Пентагоне, інцыдэнт быў выпадковым.

«Cупрацьпаветраная абарона Ірана, верагодна, была актыўная пасля ракетнага абстрэлу баз ЗША, які быў адказам на забойства ЗША генерала Касема Сулеймані», — адзначыла крыніца.

Ненаўмыснае знішчэнне лайнера іранскімі СПА таксама пацвердзілі высокапастаўленыя крыніцы ў разведцы ЗША і супрацоўнік іракскай разведкі. Верагодна, у самалёт папала ракета ЗРК Toр-M1.

Цэнтральнае камандаванне УС ЗША адмовілася каментаваць гэтую інфармацыю.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0