Па справе аб дзіцячым порна арыштаваныя 337 чалавек у 38 краінах
Больш за 300 чалавек арыштаваныя па справе «найбуйнейшай крамы дзіцячага порна» ў даркнэце, заявілі амерыканскія следчыя. Крама была зачынена ў мінулым годзе, але расследаванне працягваецца да гэтага часу, піша bbc.com.
Сайт Welcome to Video прапаноўваў карыстальнікам дзіцячае порна ў абмен на біткоіны. На партале было восем тэрабайт дзіцячага порна, або больш за дзвесце тысяч ролікаў, якія былі папярэдне загружаныя мільён разоў.
Аперацыю па закрыцці сайта праводзіла міжнародная група, у якую ўваходзілі следчыя з Брытаніі. ЗША, Паўднёвай Карэі і Германіі. Яе падрыхтоўка заняла тры гады.
Пасля закрыцця крамы следчыя працягнулі працу па ідэнтыфікацыі як карыстальнікаў сайта, так і дзяцей, якія трапілі на відэа. У ноч на чацвер следчыя паведамілі, што па падазрэнні ў выкарыстанні Welcome to Video былі арыштаваныя 337 чалавек у 38 краінах.
Сярод гэтых краін — Брытанія, ЗША, Паўднёвая Карэя, Германія, Іспанія, Саудаўская Аравія, ААЭ, Чэхія І Канада. Меркаваны стваральнік і ўладальнік сайта, 23-гадовы грамадзянін Паўднёвай Карэі Чон У Сон, знаходзіцца ў зняволенні на радзіме. Міністэрства юстыцыі ЗША рыхтуецца выставіць яму абвінавачванне.
«Welcome to Video быў адным з першых сайтаў, якія прапаноўвалі агідныя відэа ў абмен на біткоіны», - гаворыцца ў заяве Брытанскага агенцтва па барацьбе з злачыннасцю.
Аб сайце даведаліся пасля арышту брытанскага педафіла Мэцью Фалдэра, які ў лютым быў асуджаны на 32 гадоў турмы. Пазней тэрмін скарацілі да 25 гадоў.
Таксама ў межах расследавання камандзе праваахоўнікаў удалося выратаваць 23 дзяцей з сітуацый, у якіх ім прыйшлося трываць дамаганні і згвалтаванні. Праца па пошуку дзяцей працягваецца.
«Злачынцам ў даркнэце […] ня схавацца ад закону, - заявіла кіраўнік аддзела расследаванняў Брытанскага агенцтва па барацьбе з злачыннасцю Нікей Холанд. - Яны дарма лічаць, што нябачныя і абароненыя».