Борыс Джонсан закінуў нагу на стол на сустрэчы з Макронам у Парыжы ВІДЭА
Прэм'ер-міністр Вялікабрытаніі падчас свайго візіту ў Парыж сеў у мяккі фатэль у Елісейскім палацы і паклаў нагу на невялікі столік паміж ім і прэзідэнтам Францыі Эмануэлем Макронам. Пра гэта паведамляе AP.
Джонсан, нягледзячы на вострую тэму сваіх перамоваў з прэзідэнтам Францыі — Brexit, спрабаваў весці сябе спакойна.
WATCH: Here’s the Reuters video of Boris Johnson putting his foot on the Elysee furniture. It seems President Macron was making small talk suggesting the table would work equally well as a footstool should the PM want to recline, which Johnson then jokingly does pic.twitter.com/dnv37t9mS4
Відэа таго, як Джонсан ставіць нагу на столік, апублікаваў на сваёй старонцы ў Twitter карэспандэнт SkyNews
Журналіст выказаў здагадку, што Макрон пажартаваў, што столік можа стаць падстаўкай для ног, калі прэм'ер-міністр захоча адкінуцца, што Джонсан тут жа прадэманстраваў.
Нефармальныя паводзіны брытанскага лідара могуць стаць новай нормай у часцяком напружаным свеце дыпламатыі, гаворыцца ў матэрыяле.
У рэшце рэшт, Макрон сам сціснуў сцягно прэзідэнта Дональда Трампа падчас сустрэчы ў Парыжы ў лістападзе.
