Пробашч Завальнюк ініцыяваў міжнародны кангрэс пчаляроў у Мінску

Міжнародны пчалярскі кангрэс пройдзе ў Беларусі ў 2020 годзе. Такую ініцыятыву падтрымаў намеснік прэм'ер-міністра Уладзімір Дворнік сёння ў час прыёму грамадзян у Савеце Міністраў, перадае БелТА.

Пробашч мінскага касцёла святых Сымона і Алены Уладзіслаў Завальнюк звярнуўся да віцэ-прэм'ера з прапановай правесці ў Мінску ў верасні 2020 года міжнародны кангрэс Федэрацыі пчалярскіх арганізацый Еўропы і Азіі. Паводле яго слоў, на кангрэс могуць зляцецца ад 3 да 5 тысяч чалавек.

Дворнік ўхваліў ініцыятыву і пацікавіўся магчымасцямі фінансавання. Завальнюк адказаў, што сродкі будуць адшуканыя. Віцэ-прэм'ер даручыў намесніку міністра сельскай гаспадаркі і харчавання Ігару Брыло стварыць аргкамітэт па падрыхтоўцы кангрэса.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0