Хутка і кругласуткава — Беларусь запускае ўласныя імгненныя плацяжы
У Беларусі ад 1 ліпеня запрацуе нацыянальная Сістэма імгненных плацяжоў. БПС-Сбербанк ужо адаптаваў свае праграмныя комплексы, каб карпаратыўныя кліенты змаглі першымі скарыстацца магчымасцю здзяйсняць імгненныя плацяжы ў фармаце 24/7.
У ліпені новаўвядзенне пашырыць магчымасці ІП і арганізацый. Яны не будуць абмежаваныя банкаўскіх днём — плацяжы можна будзе здзяйсняць кругласутква. Яшчэ адно адрозненне — імгненнасць: залічэнне грошай адбываецца практычна ў рэжыме рэальнага часу.
Імгненныя плацяжы можна ажыццяўляць унутры краіны і толькі ў беларускіх рублях. Такую магчымасць рэалізуюць у новай версіі сістэмы «Сбербанк Бізнэс Анлайн». Аплаціць можна тавары, работы і паслугі, а таксама зрабіць адлічэнні ў бюджэт. Сістэма не распаўсюджваецца на плацяжы на карысць фізічных асоб, размяшчэнне дэпазітаў і пагашэнне крэдытаў.
«У Беларусі неўзабаве пачынае працу Сістэма імгненных плацяжоў, да якой, як чакаецца, падключацца ўсе банкі краіны. БПС-Сбербанк як тэхналагічны лідар фінансавага сектара краіны гатовы адкрыць доступ да сэрвісу ўжо 1 ліпеня, — адзначаюць у банку — Імгненныя плацяжы дазволяць здзяйсняць аперацыі хутка, проста і ў любы час — менавіта так, як і павінна быць у 21 стагоддзі».