У Кітаі адкрылі помнік Янку Купалу

У Сіаньскім універсітэце замежных моў, што знаходзіцца ў кітайскай правінцыі Шэньсі, адкрылі помнік Янку Купалу. Ва ўрачыстасці ўзяў удзел Надзвычайны і Паўнамоцны Пасол Беларусі Кірыл Руды, паведамляе прэс-служба пасольства.

Падчас цырымоніі Пасол выступіў з вітальнай прамовай і адзначыў важную ролю Янкі Купалы ў развіцці беларускай і сусветнай літаратуры.

Студэнты універсітэта, якія вывучаюць беларускую мову як спецыяльнасць, падрыхтавалі творчую праграму, падчас якой дэкламавалі творы беларускага паэта на беларускай і кітайскай мовах.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0