У Смаргоні муж выліў на 23-гадовую жонку два чайнікі кіпеню. А яна адмовілася пісаць на яго заяву
Вядома, што мужчына жыве з 23-гадовай сяброўкай ужо шэсць гадоў. Але ў іх двое малалетніх дзяцей, паведамляе kraj.by
Здарэнне ж адбылося 16 лютага. У госці да іх прыйшоў брат мужчыны. Выпівалі. Калі госць пайшоў, п'яны гаспадар раптам западозрыў сваю жанчыну ў здрадах. З рэўнасці ён выліў на яе чайнік гарачай вады. Пацярпелая ўцякла на балкон, але раўнівец не супакоіўся. Ён зноў наліў у чайнік вады і паставіў яго на агонь. Потым і гэтую ваду выліў на жанчыну.
Яна атрымала тэрмічныя апёкі 7% цела — шыі, плячэй, грудзі, жывата — трох ступеняў.
Крымінальная справа без заявы пацярпелай не заведзена.
Жанчына, якая знаходзіцца ў дэкрэтным адпачынку па доглядзе дзяцей, не стала пісаць заяву. Але яе маці патрабуе прыцягнуць сужыцеля дачкі да адказнасці.
