Расійскія СМІ пад капірку распаўсюджваюць чарговы фэйк пра Аляксандра Лукашэнку
Чарговы фэйк пра Аляксандра Лукашэнку гуляе па расійскіх СМІ. Telegram-канал «Незыгарь» са спасылкай на крыніцы ў адміністрацыі прэзідэнта Беларусі напісаў, што кіраўнік Беларусі датэрмінова сыдзе ў адстаўку. Гэтае паведамленне перадрукавалі і абсмакталі дзясяткі падкантрольных Крамлю сайтаў, суполак у сацыяльных сетках і каналаў у мэсэнджарах.
Аляксандр Лукашэнка на апошняй прэс-канферэнцыі для журналістаў ясна заявіў, што мае намер застацца прэзідэнтам на шосты тэрмін. «Выбары» ў Беларусі маюць адбыцца ў 2020 годзе.
Telegram-канал «Незыгарь» належыць аднаму з кіраўнікоў расійскага дзяржаўнага агенцтва ТАСС. Раней беларускі блогер Эдуард Пальчыс развёў Нязыгара, даслаўшы яму абсалютна безгрунтоўную інфармацыю, якая не вытрымлівала ніякай праверкі. «Нязыгар» апублікаваў яе без аніякай верыфікацыі.
Чытайце: Пальчыс развёў «Нязыгара»: напісаў ім поўную ахінею, а яны надрукавалі без праверкі
