Ва Украіне канкурэнты падпалілі беларускі асфальтабетонны завод — беларускае пасольства накіравала ноту
Пасольства Беларусі адзначае, што ў апошні час ва Украіне пачасціліся выпадкі нядобрасумленнай канкурэнцыі супраць беларускіх дарожных арганізацый.
Пасольства лічыць, што ў зваротах некаторых дэпутатаў Вярхоўнай Рады «робіцца спроба дыскрэдытаваць паспяховую працу холдынгу «Белаўтадар» на ўкраінскім рынку дарожна-будаўнічых паслуг».
А ў ноч на 22 лютага ўчынены разбойны напад на асфальтабетонны завод у Навабугскім раёне Мікалаеўскай вобласці, які ўсталяваны будаўніча-мантажным трэстам №8 (Мінск).
Невядомыя атруцілі вартавых сабак, збілі і звязалі ахоўнікаў.
Амбасада накіравала ў МЗС Украіны ноту, у якой гаворыцца, што «такія супрацьпраўныя акцыі не адпавядаюць дамоўленасцям на вышэйшым узроўні па супрацоўніцтве ў сферы дарожнага будаўніцтва, наносяць прамую шкоду гандлёва-эканамічным адносінам дзвюх краін, якія актыўна развіваюцца, негатыўна ўплываюць на інвестыцыйны імідж Украіны».
