У магаданскім пасёлку, дзе вырас Давыдзька, ужо 20 гадоў няма гарачай вады — і не будзе
У магаданскім пасёлку Сеймчан збіраюцца пабудаваць стадыён з басейнам і хакейнай пляцоўкай за 10 мільёнаў даляраў, мясцовыя жыхары падтрымліваюць гэтую ідэю, заявіла дэпутат Дзярждумы ад «Адзінай Расеі» Аксана Бондар.
Сеймчан савецкіх часоў.
Між тым у пасёлку ўжо каля 20 гадоў няма гарачай вады. Калі ў 1990-я спатрэбіўся рамонт, трубамі гарачай вады аднавілі забеспячэнне халоднай вады.
Людзі карыстаюцца бойлерамі і плацяць да 60 даляраў за электрычнасць (калі сям'я вялікая), а іншыя «ўразаюцца» да сістэмы цеплазабеспячэння дома, гэта значыць да батарэяў, і выводзяць тэхнічную ваду да кранаў.
Пасёлак Сеймчан знаходзіцца за 500 кіламетраў ад Магадана. Яго насельніцтва, паводле звестак на 1 студзеня 2019 года, складае 2064 чалавека.
Пасёлак адметны тым, што ў ім вырас Генадзь Давыдзька.
Князь Вітаўт з Калымы: гісторыя поспеху (ці падзення) Генадзя Давыдзькі
