Ізраілевіч затрыманы, але ніводнае сілавое ведамства ў гэтым не прызнаецца

Як паведамляла «Наша Ніва», 30 кастрычніка быў затрыманы бізнэсмен Аркадзь Ізраілевіч. Па папярэдняй інфармацыі, адбылося гэта пры спробе дачы хабару для ўрэгулявання бягучых будаўнічых патрэб.

Факт затрымання пацвердзілі і блізкія да Ізраілевіча людзі. 

Але якое ведамства ім займаецца? Дагэтуль невядома. 

«Яго затрымлівалі не мы», — кажуць у КДБ. У Следчым камітэце справы супраць Ізраілевіча таксама няма. Не праходзіў ён і па лініі Дэпартамента фінансавых расследаванняў. 

Мінская міліцыя пра гэта таксама нічога не ведае. 

Праўда, застаецца Галоўнае ўпраўленне па барацьбе з арганізаванай злачыннасцю і карупцыяй, але ў цэнтральным апараце МУС кажуць, што інфармацыя правяраецца, і ў разе пацверджання будзе апублікавана афіцыйна. 

АЯ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0