Пад Оршай перакуліўся турыстычны аўтобус
Пад Оршай рэйсавы аўтобус вылецеў у кювет і перакуліўся на бок. Пра гэта tut.by паведамілі відавочцы.
Фота: Юрый Міленін.
- Сёння ў адной з вёсак паміж Магілёвам і Оршай перакуліўся турыстычны аўтобус. Я праязджаў у 05.30, бачыў вялікі турыстычны жоўты аўтобус, які ляжыць на правым боку ў кювеце, побач збітая асвятляльная апора. Прысутнічалі хуткая, ДАІ і МНС, - напісаў чытач Андрэй.
Фатаграфіі з месца здарэння з'явіліся ў групе «Праца ў Эстоніі» у Facebook. Там жа паведамляецца, што ў ДТЗ трапіў рэйсавы аўтобус Ecolines Кіеў - Талін.
Фота: Юрый Міленін.
Кіроўца аўтобуса на трасе М8 не справіўся з кіраваннем і ўрэзаўся ў слуп, пасля чаго транспартны сродак з'ехаў у кювет і перакуліўся на бок.
Паводле папярэдняй інфармацыі, у салоне аўтобуса знаходзіліся 52 чалавекі. Двух з іх шпіталізавалі, яшчэ некалькі атрымалі нязначныя траўмы.
