Лукашэнка: У свеце назіраецца пашырэнне ваенных блокаў і саюзаў ва ўрон бяспецы іншых краін
У свеце назіраецца пашырэнне ваенных блокаў і саюзаў ва ўрон бяспецы іншых краін. На гэта Аляксандр Лукашэнка звярнуў увагу сёння ў час цырымоніі ўшанавання выпускнікоў вышэйшых ваенных навучальных устаноў і вышэйшага афіцэрскага складу ў Палацы Незалежнасці, паведамляе БелТА.
«На жаль, як я ўжо не аднойчы адзначаў, новае стагоддзе не прынесла чалавецтву пазбаўлення ад войнаў. У арсенале міжнародных адносін адным з інструментаў знешняй палітыкі па-ранейшаму застаецца ўзброеная агрэсія. Назіраецца пашырэнне ваенных блокаў і саюзаў ва ўрон бяспецы іншых краін», - сказаў Аляксандр Лукашэнка.
Ён адзначыў, што ў гэтых няпростых умовах Беларусь паслядоўна праводзіць міралюбную палітыку. Рэалізуе меры, якія дазваляюць захаваць мір не толькі ў рэгіёне.
«Наша краіна прапанавала сусветнай супольнасці знешнепалітычныя ініцыятывы, у аснове якіх ляжаць ідэі зніжэння напружанасці і ўмацавання мер даверу ў рэгіёне. Быццам бы, нас чуюць, але дзеянні пакуль не робяць - ясна, чаму», - канстатаваў кіраўнік дзяржавы.
Беларусы, як ніякая іншая нацыя, цэняць мір, бяспеку і незалежнасць, падкрэсліў Аляксандр Лукашэнка. «Гэтыя важнейшыя дасягненні нашага народа маюць патрэбу, натуральна, у надзейнай абароне», — дадаў ён.