Беларускія турысты, якія трапілі ў ДТЗ у Грузіі, 3 ліпеня вернуцца дамоў
Беларускія турысты, якія трапілі ў ДТЗ у Грузіі, плануюць 3 ліпеня вылецець дадому, паведамляе ў сваім твітэр-акаўнце МЗС Беларусі.
сегодня 22 пострадавших в ДТП в #Грузии белоруса после оказания помощи и обследований отпущены из больниц,21 человек планирует завтра вылететь в Беларусь из Тбилиси,3 пострадавших,из которых один успешно прооперирован,остаются в Грузии @OnlinerBY@beltanews
Паводле звестак МЗС, сёння 22 пацярпелыя ў ДТЗ у Грузіі беларусы пасля аказання дапамогі і абследаванняў адпушчаныя з бальніц. «Заўтра вылецець у Беларусь з Тбілісі плануе 21 чалавек, трое пацярпелых, з якіх адзін паспяхова праапераваны, застаюцца ў Грузіі», - праінфармавалі ў беларускім замежнапалітычным ведамстве.
Як паведамлялася, турыстычны аўтобус з беларускімі грамадзянамі 1 ліпеня перакуліўся на трасе ў раёне перавала Гамборы. МУС Грузіі распачало крымінальную справу.
