Белы дом задумаў забараніць продаж у ЗША кітайскіх тэлефонаў, бо ў іх можа выкарыстоўвацца шпіёнскае абсталяванне
Адміністрацыя Дональда Трампа разглядае законапраект, які забароніць частцы кітайскіх кампаній прадаваць сваю прадукцыю ў ЗША. Гаворка можа ісці ў тым ліку пра тэлефоны марак ZTE і Huawei.
Фота: Manu Fernandez / AP
Як паведамляе The Wall Street Journal са спасылкай на крыніцы ў амерыканскай адміністрацыі, у Белым доме маюць намер абмежаваць паступленне ў ЗША тэлекамунікацыйнага абсталявання з Кітая. Тлумачыцца ўсё гэта пытаннямі нацыянальнай бяспекі.
Па дадзеных выдання, ахвярамі забароны ў першую чаргу могуць аказацца вытворцы смартфонаў Huawei Technologies Co. і ZTE Corp.
Супраць продажу апошніх выступае, у прыватнасці, Міністэрства абароны ЗША. У Пентагоне ўказваюць, што смартфоны набываюць вайскоўцы на базах па ўсім свеце, хоць ёсць асцярогі, што кітайскія вытворцы могуць устаўляць у тэлефоны шпіёнскае абсталяванне.
Huawei і ZTE падобныя абвінавачванні на свой адрас катэгарычна адпрэчваюць.
Між тым, як адзначае WSJ, забарона на пастаўку абсталявання можа ў выніку прывесці да таго, што кітайскімі прыборамі забароняць карыстацца амерыканскім чыноўнікам.
Канчатковага рашэння з нагоды забароны пакуль не прынята, паколькі ў адміністрацыі пакуль не ацанілі магчымых яго наступстваў.
У пачатку гэтага года ў Міністэрства гандлю ЗША ўжо ўзнікалі пытанні да ZTE. Ведамства забараняла амерыканскаму бізнэсу прадаваць матэрыялы для кітайскай кампаніі, абвінавачваючы апошнюю ў парушэнні рэжыму санкцый супраць КНДР і Ірана. Такія ж прэтэнзіі да Huawei былі і з боку Міністэрства юстыцыі ЗША.
