Нацыянальная разведка ЗША: Масква будзе спрабаваць сапсаваць любое пацяпленне паміж Мінскам і Захадам
ria.ru
Разведвальная супольнасць ЗША мяркуе, што Расія разглядае Беларусь як важны буфер паміж сабой і НАТА. Пра гэта заявіў на сумесных слуханнях у сенаце дырэктар Нацыянальнай разведкі ЗША Дэніэл Коўтс, піша Tut.by.
У прадстаўленым ім 28-старонкавым дакладзе адзначаецца, што Крэмль будзе імкнуцца падтрымліваць і па магчымасці пашыраць свой уплыў на ўсёй тэрыторыі былога Савецкага Саюза, у краінах, якія, на думку Масквы, знаходзяцца ў яе сферы ўплыву.
«Расія разглядае Беларусь як важны буфер паміж сабой і НАТА і будзе спрабаваць сапсаваць любое патэнцыйнае пацяпленне паміж Мінскам і Захадам», — гаворыцца ў дакладзе.
Кіраўнік Нацыянальнай выведкі ЗША таксама адзначыў, што прэзідэнт Беларусі Аляксандр Лукашэнка працягне цеснае супрацоўніцтва ў галіне бяспекі з Масквой, але будзе працягваць імкнуцца да нармалізацыі адносінаў з Захадам, такім чынам выпрабоўваючы ўплыў Расіі.
