У Беларусі адрэгулююць цэны на цукар. У першую чаргу — на «танны» расійскі
Прычына — з'яўленне ў гандлі расійскага цукру, які прыкметна таннейшы за беларускі, адзначаюць удзельнікі рынка. Дакумент зарэгістраваны на нацыянальным прававым інтэрнэт-партале, аднак пакуль не апублікаваны.
З уступленнем пастановы МАРГ у сілу мінімальная цана на расійскі цукар не павінна быць ніжэй за 1,5 рубля. Вырастуць і закупачныя аптовыя цэны.
Цяпер краснадарскія вытворцы прапануюць аптовую закупку нерасфасаванага цукру па 0,89 беларускага рубля, а бранскія - па 0,9 рубля. Фасаваны па адным кілаграме цукар у Бранску прапануюць оптам па 0,97 рубля, распавядае прадстаўнік аднаго з рытэйлераў.
Як тлумачыць прадстаўнік аднаго з рытэйлераў, цяпер склалася такая сітуацыя, што расійскі цукар у нашай краіне прадаецца танней, чым айчынны. Так у адной з гандлёвых сетак расійскі крышталічны бураковы цукар каштуе 1,39 рубля за кілаграм, а слуцкі і гарадзейскі - 1,59 рубля за кілаграм.
Пастанова рэгулюе і максімальныя цэны на цукар.
«Гранічныя максімальныя гандлёвыя надбаўкі(з улікам аптовай надбаўкі) да адпускной цаны вытворцы (імпарцёра) на цукар белы крышталічны, які рэалізуецца на тэрыторыі Беларусі, у памеры 15%, — гаворыцца ў дакуменце. — Вызначыць, што фарміраванне цэн на цукар белы крышталічны робіцца з улікам кан'юнктуры рынку, але не ніжэй за гранічныя мінімальныя цэны, з пералікам цэнаў прапарцыйна колькасці, расфасаванай ва ўпаковачную адзінку».
Пастанова павінна ўступіць у сілу пасля яе афіцыйнага апублікавання і будзе дзейнічаць на працягу 90 дзён.
Цукар-пясок апынуўся ў ліку прадуктаў, на якія ў мінулым годзе больш за ўсё ўпалі цэны.
