«Адпраўляешся ў дарогу, ты прымі на пасашок»: ДАІ Гродна выпусціла каляндар са шкоднымі парадамі
ДАІ Гродна выпусціла насценны каляндар на 2018 год са шкоднымі парадамі для ўсіх удзельнікаў дарожнага руху.
Кожная парада на асобным лісце праілюстравана камічным малюнкам і суправаджаецца пазнакай «Просім ўсур'ёз не ўспрымаць!». Парады накіраваны на прадухіленне канкрэтнага парушэння (п'янства за рулём, ліхацтва, кіраванне без правоў, ігнараванне рамянёў бяспекі, святлоадбіўных элементаў і г.д.).
- Ёсць катэгорыя людзей, якія, нягледзячы ні на што, парушаюць правілы дарожнага руху свядома і наўмысна. Выкарыстаны ў календары метад ад адваротнага дазваляе ў сатырычнай форме пазначыць на памылковасць такой манеры паводзінаў, перасцерагчы ад небяспечных учынкаў на дарозе астатніх, - распавялі ў ДАІ.
Над стварэннем календара, змест і выкананне якога мала каго пакіне абыякавым, працавалі выключна супрацоўнікі ДАІ. Аўтарам вершаў выступіла Вольга Дзямітка.