У каляндар «12 вялікіх бітваў» ад «Белспецзнештэхнікі» не трапіла бітва пад Оршай
Пра гэта напісаў у сваім фэйсбуку Віктар Яўмененка
Беларускае дзяржаўнае прадпрыемства «Белспецзнештэхніка» (структурная адзінка Дзяржаўнага вайскова-прамысловага камітэта Беларусі) выдала шыкоўны каляндар «Вялікія бітвы нашай гісторыі» на 2018 год. Мовы каляндара — беларуская і ангельская.
На жаль, Аршанскай бітвы там няма, але выяваў беларускіх князёў і крылатых гусараў хапае. Пры навуковым кансультаванні Інстытута гісторыі НАН Беларусь у каляндар патрапілі наступныя бітвы:
— Бітва на Нямізе, 1067 год
— Бітвы Давыда Гарадзенскага, 1319 год
— Бітва на Сініх водах, 1362 год
— Грунвальдская бітва, 1410 год
— Клецкая бітва, 1506 год
— Бітва пад Кірхгольмам, 1605 год
— Хацінская бітва,1621 год
— Бітва пад Лясной, 1708 год
— Бітва на Беразіне, 1812 год
— Нарачанская аперацыя, 1916 год
— Абарона Брэсцкай крэпасці, 1941
— Аперацыя «Баграціён», 1944 год
