У Брэсце тынкоўшчык сарваўся з рыштаванняў

Брэсцкі міжраённы аддзел Следчага камітэта праводзіць праверку па факце траўмавання рабочага на вытворчасці, паведамілі БЕЛТА ў УСК па Брэсцкай вобласці.

Няшчасны выпадак адбыўся ў абласным цэнтры 23 кастрычніка каля 11.50. Падчас правядзення аздобных прац фасада будынка на вул. Савецкай атрымаў траўму мясцовы жыхар 1959 года нараджэння. Знаходзячыся на трэцім ярусе рыштаванняў, тынкоўшчык наступіў на металічны насціл, які саслізнуў убок. У выніку мужчына спатыкнуўся і ўпаў уніз. З цяжкай траўмай ён шпіталізаваны ў бальніцу хуткай медыцынскай дапамогі.

Брэсцкія следчыя высвятляюць абставіны здарэння.

0

0

0

0

0

0