Запісацца эльфам на перапісе будзе нельга, ліцвінам — можна

Кіраўніца Нацыянальнага статыстычнага камітэта Іна Мядзведзева агучыла інфармацыю, што падчас перапісу 2019 года нельга будзе ўказаць сваю нацыянальнасць, як эльф.

«Такія звесткі не будуць прымацца праз электронны фармат апрацоўкі дадзеных», — сказала Мядзведзева.

А ці можна будзе запісацца ліцвінам? Пра гэта мы спыталі ў прэс-сакратара Нацыянальнага статыстычнага камітэта Таццяны Лапкоўскай.

«Канечне, можна, — адразу адказалі нам у Белстаце. — Гаворка толькі пра такія выпадкі, калі людзі называюць сваю нацыянальнасць ці то ў жарт, ці то неяк інакш, як з эльфамі ці хобітамі».

Паводле мінулага перапісу 2009 года, 66 чалавек указалі сваю нацыянальнасць як «ліцвін».

ЗП

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0