Беларускі трэнер хоча адвесці ўкраінскіх футбалістаў у турму
Алег Дулуб, трэнер адэскага клуба «Чарнаморац», на прэс-канферэнцыі пасля матча з кіеўскім «Дынама» прызнаўся, што хоча звадзіць гульцоў у турму.
Фота - footboom.com
«Цяпер я хацеў бы пайсці з хлопцамі ў турму. Кажу гэта шчыра, каб паказаць ім, што ёсць не толькі футбол, але і іншае жыццё. Тады футбалісты пачынаюць шанаваць тое, што ў іх ёсць. І сума ў кантрактах тут ужо не мае ніякага значэння», - прыводзіць словы Дулуба footboom.com.
Раней, перад матчам з «Дынама» Дулуб вадзіў футбалістаў у боўлінг, каб зняць псіхалагічную напругу перад матчам. Дарэчы, спрацавала — «Чарнаморац» выйграў 2:1.
Алег Дулуб трэніруе «Чарнаморац» з верасня. Раней ён працаваў у «Гомелі», мінскім «Дынама», быў галоўным трэнерам «Крумкачоў». Перад «Чарнаморцам» Дулуб трэніраваў украінскі клуб «Карпаты» (Львоў).
