Сурыкаў пра «расійскія войскі, што засталіся»: Калі нехта адзін ажаніўся, можа і застаўся

Фота Вадзіма Заміроўскага

Вучэнні «Захад-2017» — гэта звычайная трэніроўка, і да іх трэба ставіцца спакойна. Пра гэта заявіў пасол Расіі ў Беларусі Аляксандр Сурыкаў, піша Tut.by.

«Калі хтосьці адзін ажаніўся, можа і застаўся» — аджартаваўся Аляксандр Сурыкаў, каментуючы заявы Мінабароны Украіны аб тым, што Расія не вывела свае войскі з тэрыторыі Беларусі.

«Арміі ёсць у Еўропе і ЗША. І арміі не могуць жыць у бяздзейнасці. Гэтыя вучэнні — звычайная трэніроўка, як у спартсменаў», — мяркуе дыпламат.

Нагадаем, 29 верасня кіраўнік Генштаба Узброеных сіл Украіны Віктар Мужэнка заявіў, што Расія не вывела, як абяцала, з тэрыторыі Беларусі ўсіх сваіх вайскоўцаў пасля правядзення сумесных вучэнняў «Захад-2017».

0

0

0

0

0

0