Брамніка чарнагорскага футбольнага клуба застрэлілі падчас трэніроўкі

Брамнік чарнагорскага футбольнага клуба «Бокель» Горан Ленац быў забіты стрэлам у галаву падчас трэніроўкі, паведамляюць інфармагенцтвы. Інцыдэнт адбыўся ўвечары 16 верасня.

Футбаліст трэніраваўся разам са сваім сябрам на базе клуба ў горадзе Катор. Туды прыйшоў невядомы і стрэліў 33-гадоваму спартоўцу ў галаву, пасля чаго знік. Галкіпера даставілі ў бальніцу, дзе ўрачы пазней пацвердзілі факт смерці.

Паліцыя шукае злачынца. Паведамляецца, што забойца зрабіў некалькі стрэлаў у паветра, каб распужаць патэнцыйных сведак. Футбаліст быў вельмі паважаны сярод аднаклубнікаў і жыхароў горада, ён часта дапамагаў уласнымі грашыма фінансаваць развіццё дзіцячага футбола ў рэгіёне.

0

0

0

0

0

0