Сіноптыкі абвясцілі штармавое папярэджанне на 6—7 лістапада

Рэспубліканскі гідраметэацэнтр распаўсюдзіў аператыўнае папярэджанне аб пагаршэнні ўмоў надвор'я ў Беларусі 6—7 лістапада, аб'яўлены аранжавы ўзровень небяспекі.

У прыватнасці, па Беларусі ў нядзелю, 6 лістапада, раніцай і днём па поўначы краіны чакаюцца моцныя ападкі — снег, мокры снег, які будзе пераходзіць у дождж.

У панядзелак, 7 лістапада, раніцай і днём па паўночна-ўсходняй палове рэспублікі чакаюцца моцныя дажджы, па Віцебскай вобласці — з мокрым снегам.

Па Мінскай вобласці: 6 лістапада зранку і днём па поўначы вобласці чакаюцца моцныя ападкі (снег, мокры снег, які будзе пераходзіць у дождж); 7 лістапада ўдзень па паўночна-ўсходняй палове вобласці чакаюцца моцныя дажджы.

БелаПАН

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0