Адначасова са смерцю Матаролы ў Абхазіі загінуў яго паплечнік
У Сухумі на самаробнай выбуховай прыладзе падарваўся 17 кастрычніка яшчэ адзін расійскі баявік — і ён быў блізкі да забітага ў Данецку Матаролы, паведамляе агенцтва caucasustimes.com.
Матарола (Арсен Паўлаў), камандзір батальёна расійскіх баевікоў «Спарта» у так званай «Данецкай Народнай Рэспубліцы», загінуў у выніку выбуха ў ліфце ўласнага дома 16 кастрычніка. Разам з ім загінуў целаахоўнік.
Сілавыя органы непрызнанай рэспублікі Абхазіі падазраюць, што загінулы Сяргей Тарасенка мог быць тэрарыстам і меў двух пасобнікаў, якіх цяпер шукаюць.
Зборная «ДНР» па футболе адпраўляецца на таварыскі матч у Абхазію.
Выбух адбыўся на тэрыторыі сухумскага тэлецэнтра. Паводле звестак органаў следства, падрыў быў выпадковым, а імаверны тэрарыст меў пры сабе рацыю і мапы, на якіх былі паказаныя дзяржаўныя ўстановы, якія той меўся замініраваць.
Пра матывы баевіка не паведамляецца, аднак вядома, што раней у Абхазіі лячыліся баевікі «ДНР», у тым ліку сам Матарола, у якога адбыўся канфлікт з мясцовымі жыхарамі, які амаль дайшоў да страляніны.
Матарола і ўражанні ягонай жонкі ад адпачынка ў Абхазіі летам гэтага года.
У кантэксце падзеі ў Сухумі можа з'явіцца новая версія ў справе забойства Матаролы.
