Выходныя будуць па-зімоваму халоднымі і снежнымі, а самыя складаныя ўмовы надвор'я чакаюцца ў нядзелю
Тэрыторыя Беларусі будзе знаходзіцца пад уплывам атмасферных франтоў і халодных паветраных мас, якія перамяшчаюцца са Скандынаўскага паўвострава. Яны прынясуць у нашу краіну снег і паніжэнне тэмпературы. Пра гэта распавёў начальнік службы Белгідрамета Дзмітрый Рабаў.
Фота Вадзіма Заміроўскага, Tut.by
У суботу на большай частцы тэрыторыі пройдзе кароткачасовы снег. На асобных участках дарог галалёдзіца. Тэмпература паветра мінімальная ноччу -3 — -9°С, максімальная днём -3 — +3°С.
У Мінску таксама будзе ісці снег. Вецер паўночна-заходні, паўночны 5—10 м/с, парывы да 14 м/с. Тэмпература паветра мінімальная ноччу -5 — -7°С, максімальная днём -1 — -3°С.
Найбольш складаныя ўмовы надвор'я чакаюцца ноччу і раніцай у нядзелю, 20 сакавіка.
На большай частцы тэрыторыі будзе ісці снег, мокры снег, у асобных раёнах моцны снег і ўзмацненне ветру парывамі да 15-20 м/с, завіруха. Па паўднёвым захадзе краіны наліпанне мокрага снегу. Днём месцамі кароткачасовы снег, па паўднёвым захадзе ападкі (мокры снег, дождж), туман, слабы галалёд. На асобных участках дарог галалёдзіца.
Тэмпература паветра мінімальная ноччу -1 — -8°С, па паўночным усходзе да -11°С; максімальная днём ад -5°С па паўночным усходзе да + 5°С па паўднёвым захадзе.
У сталіцы часам снег, завіруха, парывісты паўночна-заходні, паўночны вецер, днём, кароткачасовы снег. На асобных участках дарог галалёдзіца. Тэмпература ноччу -4 — -6°С, максімальная днём -1 — -3°С.
У пачатку наступнага тыдня надвор'е істотна не зменіцца:
У панядзелак ноччу па заходняй палове, днём на большай частцы тэрыторыі кароткачасовыя ападкі (снег, мокры снег, месцамі з дажджом). Ноччу і раніцай у асобных раёнах туман, слабы галалёд, на дарогах галалёдзіца. Тэмпература паветра мінімальная ноччу -2 — -8°С, пры праясненнях -9 — -13°С, максімальная днём -2 — +3°С; па паўднёвым захадзе ноччу каля 0°C, днём +4 — +6°С.
