Біятлон. Скардзіна заняла 2-е месца ў пагоні, адстаўшы ад пераможцы ўсяго на 1,6 секунды

Надзея Скардзіна заняла другое месца ў гонцы пераследу (пагоні) на 10 км, якая прайшла 18 студзеня ў італьянскім Антхольцы ў рамках шостага этапу Кубка свету па біятлоне.

Беларуская спартсменка пайшла на дыстанцыю восьмай і прыйшла да фінішу з вынікам 31 хвіліна 6,1 секунды, ні разу не прамахнуўшыся пры стральбе.

Скардзіна на 1,6 секунды адстала ад немкі Андрэі Хенкель, якая стартавала другой і таксама ні разу не прамахнулася. Трэцяя пазіцыя ў нарвежкі Торы Бергер.

Дар'я Домрачава, якая паказала ў спрынце трэці вынік, была пятай (+31.35,2; 4).

Паводле БелаПАН

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0