Franak Viačorka raskazaŭ, adkul u jaho darahi hadzińnik i chto padaryŭ jamu čaraviki
Daradca Cichanoŭskaj adkazaŭ «Biełsatu» na pytańni pra svoj harderob.
Franak Viačorka kaža, što maje ścipły harderob. Skryn videa «Biełsat»
U Viačorki zaŭvažyli darahi hadzińnik — Omega Seamaster Planet Ocean. Jaho košt — 5-9 tysiač dalaraŭ.
Hadzińnik, jaki zaŭvažyli ŭ Franaka. Skryn videa «Biełsat»
«Mnie jaho padaravaŭ čałaviek, jaki vielmi šmat spryčyniŭsia da biełaruskaj spravy. Zajmaŭsia i da 2020 hoda, i paśla 2020-ha adradžeńniem biełaruskich miaścinaŭ. Mnohija jaho viedajuć taksama. Nu jon, napeŭna, pabačyŭšy, što ŭ mianie niama hadzińnika, prosta źniaŭ svoj z ruki i skazaŭ: voś tabie, kab chutčej viarnucca ŭ Biełaruś»,
— patłumačyŭ Franak.
Jon kaža, što taki hadzińnik vybivajecca ź jaho ścipłaha harderoba.
Rečy Viačorka starajecca kuplać na źnižkach, a novyja čaraviki jamu padaryli na dzień narodzinaŭ advakatki — Hanna Macijeŭskaja i Maryja Kolesava-Hudzilina. «Pabačyli, što maje boty ŭžo takija źbityja-znošanyja», — padzialiŭsia Viačorka.
Tyja samyja čaraviki, padoranyja advakatkami. Skryn videa «Biełsat»
Čytajcie taksama:
Viačorka raskazaŭ, što Ofis Cichanoŭskaj moža prapanavać biełarusam unutry krainy
Franak Viačorka: Pratasievič złamany, jon pad kantrolem i nie moža vyjechać ź Biełarusi
