U aŭstralijskim zaaparku naradziłasia redkaja biełaja kaała FOTAFAKT
U aŭstralijskim zaaparku horada Kvinślend naradziłasia redkaja biełaja kaała. Pra heta paviedamlaje telekanał BBC. Niahledziačy na svaju biełuju afarboŭku, žyvioła nie źjaŭlajecca albinosam.
Maleńkaja kaała ŭžo paśpieła stać ŭlubionkaj naviedvalnikaŭ i supracoŭnikaŭ zaaparku, a taksama karystalnikaŭ internetu. Jak adznačajuć ekśpierty, žyviole było b davoli ciažka adaptavacca i vyžyć u dzikaj pryrodzie z takoj afarboŭkaj, bo jana mahła b stać lohkaj mišeńniu dla drapiežnikaŭ.
— U vieterynaryi heta zvyčajna apisvajuć paniaćciem «sierabrysty hien»: kali žyvioły naradžajucca ź biełaj abo vielmi śvietłaj poŭściu. Jak i małočnyja zuby ŭ dziaciej, hetaja poŭść vypadaje pa miery staleńnia i mianiajecca na darosłuju afarboŭku, — raspaviadaje kiraŭnik miedycynskaha centra dla dzikich žyvioł Rozi But.
Imia novanarodžanaj kaale jašče nie dali, adnak kiraŭnictva zaaparku prapanavała karystalnikam fejsbuka samim abrać imia dla kaały. U jakaści varyjantaŭ najbolš raspaŭsiudžanymi źjaŭlajucca Śniažynka, Bryljant, Žamčužyna i Džendaładzi (u pierakładzie z movy karennaha aŭstralijskaha plemieni aznačaje «ź biełaj poŭściu»).