U Hrodnie lehkavik urezaŭsia ŭ kałonu braniatechniki FOTA
Pryblizna a 23:20 u piatnicu 18 žniŭnia na vulicy Savieckich pahraničnikaŭ u Hrodnie lehkavaja mašyna ŭrezałasia ŭ kałonu tankaŭ, jakaja nakiroŭvałasia ŭ bok Łasosna.
Pavodle papiaredniaj viersii, u DTZ vinavaty kiroŭca aŭtamabila, jaki praihnaravaŭ vajskovych rehuliroŭščykaŭ.
Jak paviedamlajuć śviedki, u momant sutyknieńnia aŭtamabil mocna paciarpieŭ i pa ŭsioj vierahodnaści adnaŭleńniu nie padlahaje. Sam ža kiroŭca i pasažyry aŭtamabila nie paciarpieli. Ale da trahiedyi zastavałasia zusim niašmat.
«Vinavaty cyvilny. Pa słovach DAI, kiroŭca lehkavuški praihnaravaŭ vajskovych rehuliroŭščykaŭ i nie zaŭvažyŭ čyrvonyja i sinija śpiecsihnały transpartu supravadžeńnia, a kali koratka — zachacieŭ praskočyć pamiž husieničnaj technikaj u kałonie. Śpiašaŭsia, napeŭna», — raspavioŭ Hrodna.life adzin sa śviedkaŭ avaryi.
