Ciapier kožny možna ździejśnić virtualnaje padarožža ŭ Čarnobyl
Kali vy chacieli naviedać miesca avaryi na Čarnobylskaj AES i pabačyć na ŭłasnyja vočy postapakalipsičnyja vidy Prypiaci, ale bajalisia radyjacyi, vy chutka zmožacie heta zrabić prosta z domu z dapamohaj technałohij virtualnaj realnaści.
Chernobyl VR — heta «interaktyŭnaje padarožža» ŭ zakinutuju vobłaść Ukrainy. Jano dazvalaje hulcam adčuć siurrealistyčnuju atmaśfieru 80-ch hadoŭ.
Voś videa prajekta, jakoje možna prahledzieć z Samsung Gear VR, HTC Vive i Oculus Rift:
Prajekt prapanuje prajści virtualnuju ekskursiju pa atamnaj elektrastancyi, parku zabavaŭ, škole, balnicy i inšym miescam.
«Čarnobylskaja zona adčužeńnia poŭnaja nieźličonaj kolkaściu zakinutych budynkaŭ, hatovych raspavieści svaje historyi», — piša raspracoŭščyk David Bihun u svaim błohu.
Padčas padrychtoŭki prajekta i «palavoha» vyvučeńnia Čarnobylskaj zony raspracoŭščyki brali z saboj ličylniki Hiejhiera, kab pierakanacca, što nie znachodziacca ŭ zabrudžanaj zonie.
Jany raspaviadajuć, što niekatoryja z abjektaŭ, jakija jany bačyli, razvalvalisia prosta ŭ ich na vačach, što jašče bolš uzmacniła žadańnie adnavić usio ŭbačanaje ŭ VR.