Vice-premjer Žarko: Ličby pryjomu ŭ VNU buduć vyznačać Minpracy i Minekanomiki
Urad nie źbirajecca štučna skaračać kolkaść tych, chto pastupaje ŭ VNU, ale kantrolnyja ličby pryjomu buduć vyznačać Ministerstva pracy i sacyjalnaj abarony i Ministerstva ekanomiki. Pra heta zajaviŭ u efiry telekanała «Biełaruś 1» vice-premjer Vasil Žarko, piša Tut.by.
Pavodle jaho słoŭ, užo ciapier nazirajecca pamianšeńnie naboru ŭ VNU. U 2017 hodzie ŭ VNU pastupali na 7% čałaviek mienš, čym u minułym, ale vyrasła kolkaść tych, chto pastupaje ŭ prafiesijna-techničnyja vučelni i SSNU.
«Da siońniašniaha dnia nabor u VNU płanavali rektary. Rektaru vyhadna — čym bolš u jaho studentaŭ, čym bolš u jaho płatnikaŭ», — miarkuje Žarko.
Jon adznačyŭ, što kantrolnyja ličby pryjomu ŭ VNU «pavinna vyznačać ekanomika», a mienavita, Ministerstva pracy i sacyjalnaj abarony i Ministerstva ekanomiki. Jany buduć vyznačać tyja ličby, jakija patrebnyja dla toj ci inšaj haliny.
«Znoŭ ža, kali my pavysim prachadnyja bały ŭ VNU, to pastupiać tyja, chto pavinien navučacca. Niama štučnaj zadačy skaracić vyšejšuju adukacyju, ale jana pavinna być dla padrychtavanaha čałavieka», - adznačyŭ vice-premjer.