Mocnyja navalnicy ŭ Polščy zabrali žyćci čatyroch čałaviek
Uradavy centr biaśpieki paviedamiŭ, što ŭ noč na 12 žniŭnia padčas mocnych navalnic, što prahrymieli nad Polščaj, zahinuli 4 čałavieki, a 36 atrymali ranieńni. Najciažejšaja situacyja — u Pamorskim vajavodstvie, dzie žyli achviary stychii, piša radiopolsha.pl.
Mocny viecier i złamanyja drevy paškodzili linii elektrapieradačy i transfarmatarnyja padstancyi. U mnohich nasielenych punktach niama elektryčnaści.
Sinoptyki dajuć niesuciašalnyja prahnozy: heta jašče nie kaniec mocnych navalnic i bur u Polščy. Štarmavyja papiaredžańni atrymali takija vajavodstvy, jak: Varminska-Mazurskaje, Śvientakšyskaje, Małapolskaje, Łodzinskaje i Silezskaje.
Ale ŭ najbolšaj niebiaśpiecy znachodziacca Lublinskaje i Padkarpackaje vajavodstvy, dzie čakajecca tempieratura vyšej za 35 hradusaŭ pa Celsii z paryvami vietru da 100 km/h.