«Ździełka stahodździa»: šeść budynkaŭ u minskaj pramzonie pradali za 23 rubli
Ich ahulnaja płošča — 13 tysiač kvadrataŭ.
Dziaržaŭnaja majomaść upieršyniu pradadzienaja pa pačatkovaj canie, roŭnaj adnoj bazavaj vieličyni, z aŭkcyjonu ŭ stalicy, paviedamlaje ahienctva «Minsk-naviny». Heta kompleks niezavieršanych budaŭnictvam budynkaŭ z ačyščalnymi i inžyniernymi zbudavańniami na vulicy Karžanieŭskaha, 18B-18B/5, paviedamili ŭ fondzie «Minskharmajomaść».
- Ahulnaja płošča 6 budynkaŭ i zbudavańniaŭ - zvyš 13 tys. kv. m. Jany raźmieščany na ziamielnym učastku płoščaj 1,8573 ha, - adznačyŭ hałoŭny śpiecyjalist adździeła kaštoŭnych papier i arhanizacyi tarhoŭ Minskaha haradskoha terytaryjalnaha fondu dziaržaŭnaj majomaści Dźmitryj Sobaleŭ. - Ciapier pakupniku nieabchodna ŭzhadnić budučaje pryznačeńnie abjekta z kamitetam architektury i horadabudaŭnictva Minharvykankama. Akramia taho, nie paźniej za dva hady z dnia ŭzhadnieńnia jon pavinien raspracavać i zaćvierdzić prajektnuju dakumientacyju na budaŭnictva, a zatym zaviaršyć usie pracy na abjekcie ŭ adpaviednaści z narmatyŭnymi terminami.
Pa słovach D. Sobaleva, praktyka realizacyi niezapatrabavanych na zvyčajnych aŭkcyjonach abjektaŭ za adnu bazavuju vieličyniu budzie praciahnutaja i ŭ budučyni. Darečy, pry takim sposabie prodažu dziaržmajomaści prava arendy ziamielnaha ŭčastka dajecca biez apłaty zaklučeńnia arendnaj damovy.