Anhieła Mierkiel siarod rybakoŭ Ruhiena padčas vybaraŭ u Bundestah 1990 hoda FOTA
Anhieła Mierkiel u rybakoŭ Ruhiena padčas pieršaj svajoj vybarčaj kampanii ŭ Bundestah u listapadzie 1990 h., Getty
Tyja vybary Anhieła Mierkiel, što pradstaŭlała CHDS, vyjhrała ŭ akruzie Štralzund — Piaredniaja Pamieranija — Ruhien z vynikam 48,5% i atrymała mandat deputata Bundestaha, a nieŭzabavie stała fiederalnym ministram pa spravach moładzi i žančyn. U 2000 h. jana ŭznačaliła CHDS (Hielmut Kol, abvinavačany ŭ karupcyjnym skandale, syšoŭ), a ŭ 2005 h. vyjhrała vybary ŭ Hiercharda Šrodara i 12 hod niaźmienna źjaŭlajecca kancleram Niamieččyny. Novyja vybary projduć 24 vieraśnia 2017 hoda.
Lidaram pieradvybarnaj honki zastajecca błok CHDS/CHSS, jaki i ŭznačalvaje Mierkiel, z rejtynham 39%. Rejtynh Sacyjał-demakratyčnaj partyi Hiermanii (SDPH), jakuju ŭznačalvaje Marcin Šulc pavialičyŭsia na adzin pracentny punkt da 24%.
Kali b vybary kanclera FRH pravodzilisia naŭprost, za Anhiełu Mierkiel prahałasavali b 52% vybarščykaŭ (minus 5 pracentnych punktaŭ). Za Šulca — 30% respandentaŭ (+ 2%). Jašče 14 pracentaŭ apytanych nie stali b hałasavać ni za Mierkiel, ni za Šulca, piša Dw.de.
Drukujecca ŭ miežach śpiecyjalnaj rubryki «Naviny Hiermanii»
