Zakončyŭsia pryjom dakumientaŭ na płatnuju formu navučańnia ŭ VNU — prachadnyja bały
4 žniŭnia zakončyŭsia pryjom dakumientaŭ na płatnaje dzionnaje navučańnie ŭ VNU Biełarusi.
Jak viadoma, prachadnyja bały na płatnuju formu navučańnia zaŭsiody značna nižejšyja, čym za košt dziaržaŭnaha biudžetu. A na niekatoryja śpiecyjalnaści zaličyli abituryjentaŭ z takim nizkim bałam, što ŭźnikaje łahičnaje pytańnie, ci zmohuć navučency z takim uzroŭniem viedaŭ stać hodnymi śpiecyjalistami z vyšejšaj adukacyjaj.
Naprykład, na niekatoryja śpiecyjalnaści Hieahrafičnaha fakulteta BDU, u tym liku na nastaŭnika hieahrafii, prachadny bał — 99.
Voś śpis niekatorych cikavych i papularnych śpiecyjalnaściaŭ i prachadnych bałaŭ na ich (płatnaja forma atrymańnia adukacyi):
BDU | Linhvakrainaznaŭstva | 309 |
BDU | Mižnarodnyja adnosiny | 281 |
BDU | Chimija lekavych złučeńniaŭ | 288 |
BDUIR | Prahramnaje zabieśpiačeńnie infarmacyjnych technałohij | 294 |
BDUIR | Infarmatyka i technałohii prahramavańnia | 274 |
BDPU | Rasiejskaja mova i litaratura | 261 |
BDPU | Rasiejskaja mova i litaratura. Zamiežnaja mova | 141 |
BNTU | Architektura | 287 |
BNTU | Pramysłovaje i hramadzianskaje budaŭnictva | 170 |
BarDU* | Zamiežnaja mova | 188 |
BarDU | Pravaznaŭstva | 196 |
BarDU | Fizičnaja kultura | 193 |
BDU | Hieahrafija (pied. dziejnaść), hieaekałohija, kosmaaerakartahrafija | 99 |
BDU | Dyzajn | 134 |
BDUIR | Infakamunikacyjnyja sistemy (standartyzacyja, siertyfikacyja i kantrol paramietraŭ) | 199 |
BDPU | Rasiejskaja mova. Zamiežnaja mova | 141 |
BDPU | Biełaruskaja mova i litaratura | zaličany ŭsie |
BDPU | Muzykalnaje mastactva | zaličany ŭsie |
BarDU | Techničnaje zabieśpiačeńnie pracesaŭ sielhasvytvorčaści | 115 |
*BarDU — Baranavicki dziaržaŭny ŭniviersitet
Jak bačym, na niekatoryja śpiecyjalnaści staličnych VNU prachadnyja bały akazalisia našmat nižejšymi, čym u zvyčajnym biełaruskim rajcentry.