Paleantołahi znajšli vialikuju kolkaść kaściej dynazaŭraŭ i mamantaŭ
Nieviadomaje raniej skapleńnie kaściej dynazaŭraŭ i mamantaŭ vyjavili paleantołahi ŭ Krasnajarskim krai Rasii, paviedamlaje pres-słužba Tomskaha ŭniviersiteta, čyje śpiecyjalisty zrabili adkryćcio.
Ilustracyjnaje fota © Fotolia / Krugloff
«Hałoŭnaj zadačaj pajezdki byŭ nie pošuk vykapniovych arhanizmaŭ, a detalovaje stratyhrafičnaje apisańnie ŭsioj toŭščy razrezu, ale ŭ pracesie hieałahičnych daśledavańniaŭ navukoŭcam atrymałasia vyjavić reštki bujnych travajednych (mierkavana, zaŭrapodaŭ i ściehazaŭraŭ) i drapiežnych dynazaŭraŭ. U «mamantavym uzroŭni» znojdzienyja kostki mamantaŭ, nasarohaŭ i drapiežnikaŭ», - havorycca ŭ paviedamleńni.
Pa słovach navukoŭcaŭ, da ciapierašniaha času hety vielmi bujny razrez u miezazojskaj častcy paleantałahična byŭ amal «niamy», heta značyć, u staražytnych adkładańniach sustrakałasia tolki redkaja pylca vymierłych raślin.
«Ciapier miezazojskaja častka razrezu maje paleantałahičnaje abhruntavańnie svajho ŭzrostu - rańniaha miełu imavierna, 120-100 miljonaŭ hod tamu), što vielmi važna dla paleantałohii i stratyhrafii. Vyvučajučy hetyja reštki, my možam udakładnić uzrost adkładańniaŭ», - pryvodziacca ŭ paviedamleńni słovy kiraŭnika hrupy.