Łukašenka: Nijakaj admieny dekreta №3 być nie moža
Da pieršaha kastryčnika pavinien być abnoŭleny dekret №3 «Ab papiaredžańni sacyjalnaha ŭtrymanstva». Takuju zadaču Alaksandr Łukašenka pastaviŭ siońnia, zasłuchaŭšy dakład ab demahrafičnaj situacyi i sadziejničańni zaniataści nasielnictva, pieradaje karespandent BiełTA.
«Jak mnie dałažyli, užo zavieršana padrychtoŭka novaj redakcyi dekreta №3. Ja chacieŭ by hruntoŭnaha dakłada na hetuju temu, - skazaŭ Alaksandr Łukašenka. - Da pieršaha kastryčnika my pavinny mieć hety dakumient».
«Hramadstva pavinna viedać, što nijakaj admieny dekreta №3 być nie moža. Ja ŭžo matyvavaŭ hetaje pytańnie: jak minimum paŭmiljona u nas niepracujučych ludziej. Ź ich 200 tys. my možam vyzvalić: šmatdzietnych, chvorych, invalidaŭ, ludziej, jakija, moža, i chočuć pracavać, ale ŭ ich nie vychodzić u siłu žyćciovych abstavinaŭ. Ale 300 tys. dzie? Tamu dekret №3 - heta 300 tys. tych, chto pavinien pracavać, ale nie pracuje. I my ich pavinny prymusić pracavać. Voś i ŭsia ideałohija. Chavać tut ad naroda ničoha nie treba», - zajaviŭ kiraŭnik dziaržavy.
