«Biełtelekam» zakuplaje amal 100 aŭtamabilaŭ, u tym liku džypy. Navošta?
«Biełtelekam» zakuplaje adrazu 97 aŭtamabilaŭ dla svaich patreb. Jak vynikaje ź infarmacyi na sajcie zakupak icetrade, siarod ich 75 lehkavikoŭ i 19 džypaŭ.
Jak raskazaŭ «Našaj Nivie» inžynier adździeła łahistyki «Biełtelekama» Alaksandr Mamčyc, havorka idzie pra abnaŭleńnie ŭsiaho aŭtaparku.
«Skančvajecca termin ekspłuatacyi ŭsich našych mašyn. «UAZiki» i «Hazieli» pracavali ŭ nas bolš za 10 hadoŭ, choć termin amartyzacyi — niedzie 7-8 hadoŭ.
Tyja 97 mašyn — heta na ŭsiu krainu. Džypy treba, kab mahli prajechać i zimoju, i zalevaju, i pa brudzie. Nam ža treba suviaź trymać lubym nadvorjem. U maim razumieńni džyp — heta mašyna pavyšanaj prachadzimaści, z poŭnym pryvadam. My ž nie «Volva» sabralisia kuplać — našyja mašyny ŭsie navidavoku, pa horadzie jeździać. Usie bačać, što jany dla pracy», — tłumačyć Alaksandr Mamčyc.
