Rasijskija banki zapuściać identyfikacyju klijentaŭ pa sełfi
Rasijskija banki źbirajucca ŭkaranić identyfikacyju klijentaŭ pa sełfi. Pra heta paviedamlajuć «Viesti» sa spasyłkaj na pradstaŭnikoŭ rasijskich bankaŭ — Śbierbanka, VTB 24, SMP-banka i Rosbanka.
Pa słovach bankiraŭ, novaŭviadzieńnie dazvolić pravodzić pravierku hramadzian pry lubych apieracyjach - ad padačy zajaŭki na kredyt da pracy ź biahučymi rachunkami. Klijentam dazvolać adpravić pa elektronnaj pošcie sełfi i fatahrafiju pašparta, što dazvolić im nie pryjazdžać u adździaleńnie.
Ekśpierty pa kibierbiaśpiecy paviedamili, što vykarystańnie zdymkaŭ, atrymanych ź niedarahich smartfonaŭ abo palepšanych z dapamohaj redaktaraŭ malunkaŭ, vykliča prablemy pry pravierkach klijentaŭ. Jany nie vyklučajuć, što ašukancy zmohuć padabrać padobnyja fatahrafii.
U kancy traŭnia namieśnik staršyni praŭleńnia Śbierbanka Stanisłaŭ Kuźniacoŭ paviedamiŭ, što finansavaja arhanizacyja testuje robataŭ, jakija buduć identyfikavać klijentaŭ pa tvary, paznavać i zapaminać ich u niekalkich rakursach.
U sakaviku prezident Śbierbanka Hierman Href zajaviŭ, što kredytnaja ŭstanova pracuje nad technałohijaj identyfikacyi klijentaŭ pa ruchu vusnaŭ.
