Ukrainskaja piśmieńnica Zabužka pra Femen: «Łubianka patroliła Łukašenku. Trymajem kułaki za Biełaruś»
Z dosyć niečakanaj viersijaj padziej 21 lipienia vystupiła viadomaja ŭkrainskaja piśmieńnica Aksana Zabužka. U hety dzień adna z aktyvistak arhanizacyi Femen ahaliłasia padčas sustrečy ŭ Kijevie prezidentaŭ Ukrainy i Biełarusi Piatra Parašenki i Alaksandra Łukašenki. Na hrudziach u jaje było napisana «Žyvie Biełaruś».
Zabužka miarkuje, što za hetym stajać rasijskija śpiecsłužby.
«Nahadaju, prajekt Fiemien (vobraz «seks-pracaŭnicy z nacyjanalnymi simvałami») — heta technałohija nie HB, a jašče bolš staroje - carskaj achranki. Aŭtaram jaje ličycca kijeŭski palicmajstar B.Hiubieniet, jaki 1879 (cytuju pa I.P.Biełakonskim), «zmahajučysia z ukrainskim rucham, prymusiŭ usich prastytutak apranacca ŭ nacyjanalny ŭkrainski kaścium, jaki, takim čynam, pieraŭtvaraŭsia ŭ prykmietu raspusty…» — piša Zabužka.
«I jašče nahadaju, što łozunh «Žyvie Biełaruś!» — heta dla biełarusaŭ taki ž nacyjanalny simvał, jak «Pahonia» i bieł-čyrvona-bieły ściah. Tak što Łubianka, vypuściŭšy na kamiery adnu z «Hiubienietavych dzievak», adnačasova patroliła i mahčymyja niezaležnyja ambicyi «baćki», i ŭkrainskuju prezidenckuju achovu. Takoje «bie-bie-bie» zrabiła abodvum. I heta jašče adzin znak, što Biełaruś ciapier važnaja. VIELMI. Važna, kab vystajała hetaj vosieńniu. Trymajem kułaki», — praciahvaje piśmieńnica.
Aksana Zabužka naradziłasia ŭ 1960 u Łucku. Aŭtarka kultavaha ramana «Palavyja daśledavańni ŭkrainskaha seksu». Za druhi raman «Muziej kinutych sakretaŭ» atrymała prestyžnuju premiju Angelus jak aŭtarka najlepšaj knihi ŭ Centralnaj Jeŭropie.
Apytanka
