U Ivacevičach na adkryćci pomnika ŭźniali rasijski ściah, pop raskazaŭ pra «razvał vialikaj krainy». Ideołah vykankama: «Ničoha kiepskaha niama»
Subotaj 22 lipienia ŭ Ivacevičach adkryli pomnik biełarusam, što słužyli ŭ vajenna-marskim fłocie.
Uvahu hramadskaści da hetaj padziei pryciahnuŭ rasijski ściah, jaki padymali na adkryćci naroŭni ź biełaruskim, a taksama słovy miascovaha pravasłaŭnaha śviatara: jon narakaŭ, što «niekali vialikuju krainu razburyli pa voli vorahaŭ», a taksama skazaŭ, što «ŭsie my — ruskija».
Fota z adkryćcia pomnika ivatsevichy.by.
«Naša Niva» dazvaniłasia da namieśnika staršyni vykankama Ivacevičaŭ Alaksandra Vialikasielca, jaki adkazvaje za ideałohiju i braŭ udzieł u arhanizacyi adkryćcia.
My spytalisia, što ŭsio heta značyć? U internecie ŭžo krytykujuć.
«U internecie kašamoły, jakim aby b dačapicca, — skazaŭ Vialikasielec. — Ja vam adrazu skažu datyčna rasijskaha ściaha, što byli niejkija sumnievy pierad hetym, dumki… Ale ŭličvajučy, što zaprošana šmat ludziej… Ataše zaprasili rasijskich, była maci padvodnika Dudko, zahinułaha na «Kursku». Nu i što Rasija stała pierajemnicaj usiaho savieckaha fłotu… Tamu my padumali, što ničoha tut kiepskaha niama».
Škadavańnie pravasłaŭnaha baciuški pra razvał SSSR ivacevicki ideołah prakamientavaŭ tak:
«Što datyčyć ajca Ryhora, to heta, chutčej, relihijnaja dumka. Adzinaja carkva pravasłaŭnaja, «narod ruski» — miełasia na ŭvazie staražytnaj Rusi, Kijeŭskaj Rusi. Ciapier ža nielha kazać Kijeŭskaja Ruś? Bo Ukraina ž nie vitaje. Hetyja słovy jaho… Heta jaho asabistaja dumka, ja tak skažu, nie dziaržaŭnaja. Jon šmat dapamahaŭ srodkami, plitku ŭziaŭ nieviadoma adkul.. My ni kapiejki nie ŭkłali. Što, kali jon pačaŭ havaryć, ja pavinien byŭ skazać, što jon štości nie tak robić? Vy ž viedajecie — Ruskaja pravasłaŭnaja carkva, jana adzinaja», — patłumačyŭ nam Vialikasielec.
